Microcephaly vei thluakah Zika virus hmu

Zika virus-in nau piang tharah rualban lohna, pianphung pangngai aia lu te zawk (microcephaly) a thlen thei nia sawi chu zirchian a nih hnuin, microcephaly vei nausen pahnih thluakah virus hi hmuh a nih thu scientist-ten an sawi.

Pontifical Catholic University (PUC) leh Federal University of Rio de Janeiro (UFRJ) chuan Microcephaly hi zirchiangin, an zirchianna result hi Latin America-a healh research center ṭha ber nia sawi, Oswaldo Cruz Foundation chuan a finfiah tawh bawk a ni.

PUC lab-a scientist-te hian Zika virus hi naupaiin a fa-ah a kai thei tih an lo finfiah tawh a, he virus hian nausen thluak khawihin, an pian hnu reiloteah an thihpui ṭhin.

UFRJ scientist Amilcar Tanuri chuan, "Zika virus hian lu piangphung te mai ni loin,nasa takin thluak a khawih chhe thei a ni. Nausen lu pianphung pangngai nei, thluak lam dik lo pawh a thlen thei a ni" tiin a sawi.