Trump-an Ted Cruz khinah a vau

US President thlanna neih tura Republican party candidate chuhtu zinga a hmahruai pahnih, Donald Trump leh Ted Cruz-te chu an inbei chhunzawm zel a, Trump chuan Ted Cruz chu advertisement dik lo tichhuakah puhin court-a khinah a vau.

Donald Trump hian Cruz-an campaign-na atana advestisement a tichhuahte chu thu dik lo a nih thu sawiin, ngaihdam dil turin a phut. Cruz hian ngaihdam a dil loh chuan a laka thubuai thehluh a tum thu a sawi.

Adverstiment ṭhenkhat chu Trump-a beihna lam hawi a ni a, nau tihtlak leh silai kawl phalna chungchanga a ngaihdan a thlak dante a tarlang a ni. Heng advertisement-te hi TV-ah tihchhuah a ni.

Trump chuan Cruz hi bei letin, thu dik lo a thehdarh chu a sut a, thupha a chawi loh chuan Cruz chu Canada rama piang a nih avangin US President candidate chuh thei lo tura a khin tur thu a sawi.

Trump chuan Republican National Committee hnenah Cruz-a advertisement tihchhuah dang tura hma la turin a phut bawk.