Israel PM eiruk thubuai ngaihtuah
Israel prime minister Benjamin Netanyahu laka eiruk thubuai siamsak chu nimin khan Jerusalem court-ah ngaihtuah ṭan a ni. Netanyahu hi Israel PM ni lai zinga eiruk thubuai hmachhawn hmasa ber a ni.
Kum 70 mi, Netanyahu kaihhruai ṭangrual sorkar thar chu kar liam ta khan lakluh a ni a, PM atana lakluh ṭum ngana niin, Israel PM dinhmun chelh rei thei ber record a siam a ni.
Nikum November thla khan sumdawng hausate hnen aṭangin dan kalhin thilpek dawngah leh, a thuneihna dik lo taka hmanga puh a ni. Thubuai siamsak ni mah se thiam loh chantir a nih hma chuan PM aṭang hian a ban kher a ngai rih lo a ni. A thubuai hi judge pathum awmna panel in a ngaihtuah ang.
Kum ruk liam ta khan Ehud Olmert chu thamna laa puhna thubuaiah thiam loh chantir a lo ni tawh a, thla 16 chhung jail-ah a tang a ni. A thubuai hi kum 2006-2009 chhung ngaihtuah a ni a, hei vang hian tuna Netanyahu thubuai siamsak pawh hi a ngaihtuah hun a rei hle rin a ni.