Hong Kong-ah security law thar duh lohna lantir

China-in Hong Kong-a national security law thar hman a tum avangin Hong Kong-ah nimin khan lungawi lohna lan tir a ni a, police-te chuan mittui tlakna hlo leh pepper spray hmangin mipui pungkhawm 1,000 chuang chu an hnawt darh. 

China sorkar chuan kar liam ta khan national security law thar, draft resolution chu an parliament-a pass turin put luh a tum a, tun kar hian he resolution pass turin  parliament-ah ngaihtuah a ni ang. 

He dan thar tur hnuaiah hian Hong Kong aṭanga tlanchhuah phal a ni dawn lo a, ramdang sipaite inrawlh phal a ni dawn lo bawk a, sorkar laka helna leh sorkar laka hel tura infuihpawrhna phal a ni dawn lo bawk a ni. Hong Kong mipuite chuan he dan thar siam tum hi an mimal zalenna rahbeh sakna tur a ni tiin,  dan thar siam tum duh lohna hi an lantir a ni. 

China-in Hong Kong-a dan thar hman a tum avang hian ram hrang hrang hruaitu politician 200 dawnin China thil tum an dodalna thuchhuah an siam.