EU-ah raltlan 84,000 an lut tawh

International Organisation for Migration () chuan kumin chhungin Europe ramah raltlan 84,320 an lut tawh tih sawiin, heng mite hi tuipui aṭanga lut an ni.

Europe rama raltlan lut zinga a tam ber, 78,333 hian Greece an pan a, Italy-ah mi 5,987 an lut bawk. Khua a chhiat avangin Greece rama lut hi January thla aiin February thlaah an tlahniam deuh niin IOM chuan a tarlang.

February thla chawhma lamah mi 16,140 in Europe chhimchhak ram an lut a, hetihlai hian January thla chhunga Europe rama raltlan lut hi mi 62,193 an tling.