NKorea sipai hotu thar ruat

North Korea media chuan an ram sipai hotu lu berah security ministre hlui, Ri Myong-Su dah a nih thu nimin khan a tarlang.

Korean Central News Agency (KCNA) chuan Ri Myong-Su chu an ram sipai hotu thar, "Chief of the Korean People's Army General Staff" a nih thu a sawi. Sipai hotu atana a thlak tak, Ri Yong-Gil chu tun thla tir lam kha tihhlum a ni.

Ri Yong-Gil hi political pawl hran din leh, eiruknaa inhnamhnawiha puh a nih avangin NKorea sorkar chuan a tihlum nia sawi a ni. Defence hotu hlui, Hyong Yong-Chol pawh NKorea ram hotu luber, Kim Jang-Un chuan anti-aircraft gun hmangin a lo kah hlum tir tawh bawk.

Kum 2011, December thlaa NKorea hruaitu, Kim Jong-Ill a thih hnua a fapa, Kim Jong-Un an thuneihna a chan hnuah hian an ram official eng emaw zat chu a tihhlum tir tawh nia sawi a ni. Kum 2013, December thla khan a nu nuṭa, a pu Jang Sang-Thaek pawh eiru leh ram phatsantua puhin a kah hlum tir a ni.