Clinton leh Trump-te an chak

US President thlanna neih tura kar kalta Inrinni khan Nevada-ah Democratic Party caucuses neih a ni a, South Carolina-ah Republican primary election neih a ni bawk.

Nevada-a inthlanah hian Demo-cratic Party candidate zingah Hillary Clinton-i a chak a, Vermont senator Bernie Sanders-an a dawt. Democratic Party han Iowa leh New Hamsphire-ah inthlan hi an lo buatsaih tawh bawk a, Clinton leh Sanders-te hi vawi khat ve ve an lo chak tawh a ni.

South Carolina-a Republican party-in primary election an neihah party candidate zinga boruak nei lian ta, sumdawng hausa Donald Trump chu a chak bawk. Senator pahnih, Ted Cruz leh Marco Rubio-ten an dawt a ni.

Hetihlai hian Republican candidate zinga mi, Florida Governor hlui Jeb Bush chuan Inrinni khan president candidate chuh tuma a campaig-na a titawp. Jeb Bush hi primary election vawi thum neih tawhah a la che ṭha lo hle a, hei vang hian a tan beiseina a awm tawh lo nia ngaiin a campaign hi a titawp a ni. Inrinni zan khan amah thlawptu pungkhawmte hmaah thu sawiin, Bush chuan, "Iowa, New Hamsphire leh South Carolina mipuiten an duh zawng an tilang tawh a, an duhthlanna siam hi ka zahsak hle a ni" a ti.