Guyana president-in UN puihna dil

Guyana President David Granger chuan UN Secretary-General hnenah Venezuela nen an inkar buaina chinfel sak turin a ngen.

Venezuela hian Guya-na ram hmun thuma ṭhena hmun khat chu a ram nia a chhal bakah, Guya-na tuipua oil tamna bial eng emaw zat chu a chuhpui bawk.

Granger chuan kum 1966 khan ram inchuh chungchangah an buaina chinfel nan Geneva-ah inremna thuthlung an ziah tawh tih a sawi a, mahse he inremna hi Venezuela chuan a ngaih pawimawh loh avangin awmzia a nei lo a ni, a ti. "Treaty-in a tarlan angin, tunah chuan kan buaina chu UN Secretary-Gene-ral in a chinfel a ngai tawh a ni" a ti.

Guyana hi Carrribean ram a ni a, ram lian lo tak square km 214,970 biala zau chauh a ni. South America hmarchhak tawp lam lama awm a ni a, mihring cheng zat pawh 750,000 chauh niin, an zinga 43% hi Indian origin an ni. Granger hi brigadier hlui a ni a, nikum May thla khan president atan thlan a ni.

Venezuela chuan zabi 19-a British colony a nih lai aṭang khan Guyana-a ram zau tak chu a ram chin niin a chhal a, an buaina hi international tribunal-ah thlen a ni hial a ni. Kum 1899 khan tribunal chuan an ram inchuh tam zawk chu Britain hnenah a hlan. Hemi hnu pawh hian Venezuela hian ram hi a chuh chhunzawm reng a, kum 1966-a Guyana a indenpendence dawn khan Venezuela, British leh Guyana sorkarte chuan inremna thuthlung an ziak a ni.