Russia Foreign Minister-in NKorea a tlawh

Russia foreign minister Sergey Lavrov chu ni hnih chamin North Korea-ah a zin. Russia leh NKorea-in defence lama thawh dunna leh inzawmna ṭha zawk an neih theih dan a ngaihtuah a ni.

Sergey Lavrov leh NKorea ram hotu, Kim Jong-un chuan darkar khat chuang meeting an nei a, mahse, an thil sawi dunte erawh puanzar a ni lo. Lavrov hian NKorea foreign minister, Choe Son Hui nen meeting an nei bawk. Lavrov chuan Russia leh NKorea inzawmna chuan level thar a kai tih sawiin, Ukraine leh Russia inbeihna thleng mekah Russia a thlawp avangin NKorea chungah lawmthu a sawi bawk. Lavrov hian kum 2018 khan North Korea hi a lo tlawh tawh bawk a ni.

Thla hmasa lama Kim Jong-un-a'n Russia a tlawh ṭum khan, Russia president Vladimir Putin chu an rama zin turin a lo sawm a, Putin pawhin a sawmna hi a pawm a, mahse, a zin hun tur erawh an la puang lo. Lavrov hian Putin zin dan tur chungchang pawh NKorea official-te a sawipui rin a ni bawk.