Myanmar sipai sorkarin airstrike nei turin thupek chhuah

Myanmar sipai sorkar chuan China ramri bula helhoin sipai outpost an laksakte la kir leh tura airstrike nei turin thupek a tichhuak.

Kar liam ta khan Kachin Independence Army (KIA) chuan Shan state-a Muse district-a sipaite hmun an bei a, Zirtawpni tlai lamah sipaite hi an um chhuak a ni. Mahse hemi hnu hian sipai sorkar chuan helho kut aṭanga outpost la let tura airstrike nei turin a ti a, Inrinni khan sipaite hian airstrike bakah ground artillery hmangin helho hi an bei let leh.

KIA leh sipaite inbeihnaah hian sipai zingah thi an awm a, eng zat chiah nge tih erawh sawi lan a ni lo. KIA colonel Naw Bu chuan sipaite kut aṭang hian silai leh hmanraw ṭhenkhatte an chhuhsak tih a sawi.

Kristian tamna, Kachin state-a hmun tam zawk chu KIA hian an thunun a, kum tam tak chhung sipaite an lo inbei tawh a ni. Sipaite'n Myanmar civil sorkar paihthla a, thuneihna an chan hnuah an inbei nasa zual a ni. Sipaite hian KIA chu sipai sorkar dodaltu pawl din, People's Defence Force-te training pe ṭhinah an puh.