Cuba-ah Zika virus do hna thawk turin sipai 9,000 tir

Cuba sorkar chuan Zika virus thlentu, Aedes genus thosi tihrem hna thawk turin sipai 9,000 a tirchhuak.

Cuba ramah hian Zika hri vei hi hmuh la ni lo mah se, Latin America leh Carribean ram tam takah a darh tawh avangin America ram dangah pawh a darh thuai rin a nih thu World Health Organization (WHO) chuan a tarlang.

Cuba Presidant Raul Castro chuan thosi tihrem hna thawk tura sipaite tirhchhuah an nih thu hi sawiin, Cuba ram mipuite chuan mimal indona angah an ngai ṭheuh a ngai a ni, a ti. Cuba mipuite chu an inchheh velte tifai a, Aedes genus thosi pian theihna chi te chu thianfai vek turin a chah.

Thawhṭanni aṭang khan sipaite hi tirh chhuah an ni a, in tinah kalin thosi hlo an kap a, chhungkaw tinten an lo dawngsawng ṭha hle a ni. Thosi tihrem hna thawktute chuan an ramah Zika virus hi a luh ve lohna turin theihtawp an lo chhuah lawk tih an sawi.