Video dik lo siamin vangin Cruz-an a thupuangtu ban

US President thlan-na neih tura Re-pub-lican presidential can-didate chuhtu zinga mi, Ted Cruz chuan a campaign thu-puang-tu, Rick Tyler chu a khingpui, Marco Ru-bio chungchangah video dik lo a tihchuah avangin bang turin a hriattir.

Rick Tyler hian a twitter-ah Rubio video hi a dahchhuak a, video-ah hian Rubio-an Bible chungchang chu, Lehkhabu ṭha tak a ni a, mahse zawhna chhanna tam tak a awm lo" tia a sawi angin a tilang a ni. Mahse Rubio-a campaigner te chuan a takah chuan Rubio hian Bible chu zawhna chhanna zawng zawng awmna tia a sawi thu an tarlang.

Tyler-a video siam avang hian Ted Cruz chu dawt hmanga campaign-ah a khing-puite chuan puhin na takin an sawisel zui a, hemi hnu hian Cruz chuan Tyler hi bang turin a hriattir ta a ni. Tyler chuan Rubio leh a pawlte lakah hian thupha a chawi nghal bawk a, a post dawn hian thu dik lo a ni tih a hriat loh thu leh, a tihsualah ngaihdam a dil thu a sawi.

Republican presi-dential candidate zinga hma hruaitu, Donald Trump pawhin Rubio hi beiin, America Presi-dent a ni thei dawn em tih chu lawyer-ten an ngaihtuah a ngai dawn a ni, a ti. Marco Rubio nu leh pa hi Cuba
aṭangin kum 1950 chho khan US-ah an pem a, Rubio hi kum 1971 khan Florida-ah piang mah se, a pian lai hian a nu leh pa hi US citizen an la ni lo. UD danpui chuan an ram president chu US khua leh tui nia piang ngei a ni tur tiin a tarlang a, mahse hei hian eng ang chin nge a huam erawh a sawilang lo.