WHO hotuin Brazil a tlawh

World Health Organization (WHO) hotu Margaret Chan-i chu Zika hri lenna, Brazil ram dinhmun enfiah tur leh, sorkar hmalak dante thlithlai turin a zin.

Maraget Chan hi Pan American Health Organization director, Carissa Etienne-in a ṭawiawm a ni. Brazil President Dimla Rousseff hmuin, an rama Zika hri leng mek chungchang chu a sawipui a, National Center for Risk and Disaster Management a tlawh bawk ang.

WHO chuan Zika virus in a thlen nia rin, pianphung pangngaia aia lu te, (microce-phaly) nau piang thar an awm belh zel avangin ngaihven a ngai tih a sawi a, hemirual hian Zika virus leh microcephaly hi a inzawm ngei em tih zirchian a ngai tih a sawi.

Brazil ramah hian microcephaly hi mi 4,000 chuang an awm tawh a, an zinga mi 141 chu Zika virus in a thlen nia sawi a ni.

Hetihlai hian US Centre for Disease Control (CDC) chuan mipat hmeichhiatna hman aṭanga mi 14-ten Zika virus an kai nia sawi chu an zirchiang mek. Mipat hmeichhiatna hman aṭangin he hri hi a inkaichhawn theih em tih finfiah la ni lo mah se zirchian mek anih thu sawiin, hri lenna rama zinte pawh fimkhur turin a chah.