Nevada caucus-ah Trump a chak

US President thlanna neih tura Republican party-in an party president candidate tur an zawnna, Nevada caucus-ah Donald Trump a chak.

Kum 69 mi, sumdawng hausa leh reality TV star, Donald Trump hian state pathum-a primary election neihah a chak tawh a, party president candidate ni tura a beiseina pawh a sang tawh hle. South Carolina leh New Hamphire-ah a chak tawh a, Iowa caucus-ah pahnihna a ni bawk.

Nevada caucus-ah Trump hian vote tla aṭangin 42% a hmu pha a, Senator Ted Cruz chuan dawtin 24.5% a hmu. Marco Rubio chu pathumna niin 21.2% a hmu bawk a ni.

March 1, Super Tuesday tia an vuahah hian state 11-ah primarily election hi neih a ni dawn a, hei hian Republican president candidate thlan tur chungchangah nghawng a nei lian hle dawn a ni. Inthlan buatsaih tawh chinah chuan leh mipui ngaihdan lakah chuan, kum 2015 June thlaa politics luhchilh ve chauh, Donald Trump dinhmun hi a la ṭha fal hle a ni.