China Foreign Minister-in US a tlawh dawn

China foreisgn minister Wang Yi chuan ni thum cham turin naktuk hian US-ah a zin dawn.

Wang Yi hian US a cham chhungin secretary of state Antony Blinken leh US president Joe Biden national security advisor Jake Sullivan-te chu meeting a neihpui dawn a, US-China inlaichinna siam ṭhat kawnga hmalak dan tur chungchangte a sawipui ang. President Biden nen meeting an neih dawn leh dawn lo erawh sawi lan a ni lo.

US leh China inlaichinna hi a ṭha lo chho hle a, kum 2018 aṭang khan sumdawnna lamah pawh an inep chho a, import tariff-te an intihsan chhohsak a ni. Hetih lai hian US lawmaker-te chuan trade leh economy lama inzawmna ṭha an neih theihna turin China pawh an inhriatthiam lohnate chu siam ṭha turin an ngen a ni. China president Xi Jinping leh US president Joe Biden-te pawh November thlaa San Francisco-a regional summit neih hunah meeting an neih beisei a ni bawk.