Pension bill siamṭhat duh loin Morocco-ah nawrh huaihawt

Morocco sorkarin pension bill siamṭhat a tum chu duh loin, ramchhunga trade union-te chuan Nilaini khan nawrh an huiahawt.

Darkar 24 awh nawrh huaihawt-ah hian Morocco rama labour union lian pali-a public leh private sector worker-te an tel a, sorkarin pension leh subsidy-a sum hman a tum dan ruahmannate ennawn turin sorkar an phut a ni.

Morocco sorkar hian pension system siam danglamna tur bill hi thla hmasa khan a siam a, Parliament-ah sawiho a la ni lo. Parliament upper house-ah hian union hian seat 120 aṭangin seat 20 a nei a, bill lo dang tur hian eptu party dang pawhin thlawp an tum bawk.

Communication Minister leh sorkar thupuangtu, Mustapha Khalfi chuan union nen hian inbiakna an neih thu leh, pension scheme siamṭhat pawh an sawiho tur thu a sawi.

Sorkarin pension system siam danglam a tumnaah hian pension kum chu, kum 63-a tihsan te, sum dah ngai tihpun te a tel. Hnathawktute chuan kum 2019 aṭangin an hlawh aṭanga 14% an dah lut ang a, sorkarin an dah zat ang hian alo do let ang. Hnathawktuten sum an dah luh tur zat hii kumtin 1% in sorkarin a tipung a ni.