IS bomb supply-naah ram 20 company te inrawlh

Islamic State (IS) firfiak pawl hnena bomb supply-naah ram 20-a company hrang hrangte an inhnamhnawih nia sawi a ni a, sorkar leh company-te chuan an bungrua an thawnchhuahte kalkual dan uluk zawka chhuizui a ngai niin European Union Conflict Armament Research (CAR) in zirchianna a neihah a tarlang.

CAR hian thla 20 zet a zirchian hnuah, IS hoin improvised explosive devices (IEDs) siamna atana hmanrua an hmante chu ram 20-a company siam a ni a, heng zingah hian Turkey, Brazil leh US-a company 51 an tel tih a sawi.

IS han Iraq leh Syria-a ram zau tak an thunun mek a, an ram luah chin ṭhenawmah hian NATO member Turkey a awm a ni. Turkey chuan IS ralthuamte hi Sunni helpawl kuta a luh ṭhen lohna turin venhimna pawh khauh takin a kalpui mek a ni. Hetihlai hian bomb siamna hmanrua supply tu zingah hian Turkey rama firm 13 leh India firm pasarih an tel ve bawk.