Iran-ah Parliament leh Assemby inthlan buatsaih

Iran Praliaemnt leh Assembly of Expert inthlan chu nimin khan buatsaih a ni a, zing dar 8 aṭangin mipuiten vote an thlak ṭan, vote thlak hun hi zan dar 6 theng hawn a ni.

Parliament member 290 leh Assembly of Expert member 88-te thlang chhuak tur hian vote nei mi maktaduai maktaduai 55 an awm. Inthlanpui an neih hmasa aiin vote a tlak ṭhat beisei a nih thu official-te chuan an sawi.

Member 290 awmna, Iran Parliament hi Majlis tih a ni a, kum li danah inthlan hi buatsaih a ni. Majlis hi dan siamtu niin, annual budget leh international agreement chungchanga thuneitute a nia, tunhnaiah pawh Parliament hian khawthlang ramte nena nuclear agreement an siam pawh a pawm a ni.

Sakhua hruaitute awmna, Assembly of Experte-a member 88 hi an ram hruaitu lu ber, Supreme Leader hmun a ruak a nih chuan a aiawhtu thlang chhuaktu tur a ni. Member-te hi kum riat term atana thlan an ni.

Iran Supreme Leader Ayatollah Ali Khameini hi kum 76 a ni tawh a, a hriselna dinhmun a ṭha tawh lo hle a ni.

Inthlana chuh tum hi mi 12,000 dawn an awm a, mahse Supreme Leader hnuaia electoral body, Guardian Council chuan candidate zingah a zahve zet chu kar hmasa khan a hnawl. Party 250 aṭangi candidate 6,229 ten inthlan hi an chuh a, an zingah hian hmeichhia 586 an tel. Candidate-te hian campaign nan kar khat chiah hun an nei.