Bin Laden-an jihad tan dollar mtd 29 a hnutchhiah

Al-Qaida firfiak pawl hotu, kum 2011-a America sipaiten an kahhlum tak, Osama bin Laden-a khan a thurochhiahah, Muslim-ten ringlo mi tia an kohte laka indona thianghlim an kalpuina turin dollar maktaduai 29 a hnutchhiah.

Kum 2011-a US sipaiten Abbotabad, Pakistan-a a chenna ina Osama bin Laden-a an thah hnua a thil neih
ṭhenkhat an lakkhawm zingah a thurochhiah a ziahna hi a tel a, hei US media-ten Thawhlehni khan an puang zar a ni.

Bind Den chuan a chhung-te hnenah a thurochhiah siam chu ngai pawimawh a, a sumte chu Allah hminga indona thianghlim neihna tur atana hmang turin a chah. Pawisa a sawi hi Sudan-ah a awm niin a tarlang a, a pawisa faiin nge a bungrua-in a dah tih erawh a sawi lang tel lo thung.

Bind Laden hi kum 1990 chho khan Sudan ramah kumg nga chung a khawsa a, Sudan sorkar-in a lo mikhual a ni.

Thawhlehni-a Bin Laden-a document tlangzarh zinga pakhatah chuan America mite chu khawvel boruak inthlak danglam chak zelin chhiatna a thlen tur laka mihringte humhim tuma bei tura a duh thu a sawi pawh a tel.