'Hack the Pentagon' contest buatsaih

Pentagon chuan US Defence Department public website-te a him tawk leh tawk lo fiahna turin pawn lam mite tan 'Hack the Pentagon' contest a buatsaih. Hetiang lam hawi program sorkarin a buatsaihna hmasa ber a ni.

US-a company lian ṭhenkhatin an network-a security lam fel tawk lo zawnchhuahna tura 'bug bounties' competition an buatsaih zulzuiin 'Hack the Pentagon' contest hi buatsaih a ni.

He contest hmang hian cyber expert-te chuan hacker hoin website an khawihbuai sak hmain an site-a thil fel tawk lo awmte an hriatchhuah sak thei dawn a ni. Hemi hmang hian network khawih buai a nih hnua a siam-ṭhatna atana hun leh sum tam tak an lo sen ṭhin ang chu an pumpelh theih phah dawn a ni.

Defense Secretary Ash Carter chuan contest an buatsaih chuan an ram security leh digital defence lamah nasa takin a puih theih a rin thu a sawi.