Pope-in Pakistan tlawh tura sawmna a pawm

Roman Catholic Kohhran hotu, Pope Francis chuan Pakistan Prime Minister Nawaz Sharif-an kumin chhunga an ram tlawh tura a sawmna chu a pawm.

Pakistan Ports and Shipping Minister Kamran Michael leh Religious Affairs Minister Sardar Yusuf-te chuan an ram PM-in zina tura Pope a sawmna hi an hrilh a ni. Nilaini khan Pope chuan an sawmna a pawm thu hi an dawng niin Dawn chanchinbu chuan a tarlang.

Februay 23 khan Michael hian high-level team hruaiin Pope Francis hmu tur hian Rome-ah a pan a ni. Pope hian Pakistan rama firfiakte kut tuartute tan a bikin ṭawngṭaina hun a hmang bawk.

Pope zinga Pakistan tlawhtu hnuhnung ber chu Pope John Paul II a ni a, kum 1981 February thla khan a zin a ni. Pakistan ramah hian Kritian maktaduai 2.8 vel an awm a, hei hi an ram mipui 1.6% vel an ni.