Japan-in US Okinawas base thawh hna chawlh san

Japan chuan Okinawa thliarkara US military base sawnna tura hna thawh mek chu chawlhsan lailawk a remti.

Prime Minister Shinzo Abe chuan base zauh tumnaa central sorkar leh tualchhung thuneitute inkara inhriatthiam lohna a awm hnuah court thutlukna siam angin hnachawlhsan chu a remtih thu a sawi.

Japan sorkar hian Okinawa thliarkara US Futenma airbase awmna chu mipui bitna hmun a nih avangin he thliarkar chhung veka hmun fianrial deuhah sawn a tum a, mahse tualchhung mite hian airbase pum hi thliarkar chhungah ni loin hmun danga sawn turin an duh a ni.

PM chuan hna thawk mek chu chawlhsan lailawk an remti a, hma lak chhunzawm zel dan tur chu tualchhung thuneitute nen an la sawi ho dawn tih a sawi.

US leh Japan-in security lama thawhdunna tur inremna an siam hnuaiah Japan ramah hian America sipai 50,000 vel an awm mek a, heng zinga a zahve vel chu Okinawa thliarkah hian dah an ni. He thliarkar chengte chuan US military base hi pawikhawihna leh bengchheng siam chung-changa an sawisel fo a ni.