Afghanistan-in Taliban 2,000 chhuah dawn

Afghanistan president Ashraf Ghani chuan Pathianni aṭang khan Taliban tang a chhuah ṭan a, Taliban tang hi 2,000 lai an chhuah dawn a ni.

Taliban firfiakte hian Eid chawlh laiin sorkar lakah hian inkahhai an puang a, hemi vang hian Afghanistan sorkar chuan Taliban tang 2,000 an chhuah dawn thung.  President Ashraf Ghani chuan inremna zawnga inbiakna nei turin sorkar chu a inring reng tih a sawi. Ghani thupuangtu Sediq Sediqqi chuan tang chhuah tura thutlukna an siam chu 'good will gesture' a ni tih sawiin boruak ralmuang a awm ngei theihna tura an hmalakna a nih thu a sawi bawk. 

February khan US leh Tali­ban-te chuan inremna lo ziak tawh bawkin he an inremna hnuaiah hian Afghan sorkar chuan Taliban tang 5,000 an chhuah dawn a, hetihlai hian firfiak lam chuan Afghan sipai an man 1,000 chu an chhuah ve dawn bawk a ni.

Pathiannia tang chhuah a nih thu tarlan a nih hma hian Afghan sorkar hian firfiak tang 1,000 vel lai a chhuah tawh a, firfiak lam pawh hian sipai 300 vel chu an chhuah ve tawh bawk.