China-in Taiwan inlakhran a phal dawn lo

China President Xi Jinping chuan Taiwan chu an ram aṭanga a inlahran an phal dawn lo tih a sawi. Taiwan chu indepedence neih tuma bei tawh lo turin a vau.

China chuan Taiwan chu ram hrang ni loin, mahnia inrelbawl hran province angin a la ngai reng a, a ṭul a nih chuan sipai chakna hmanga a thunun tur thu a sawi.

Kumin January thlaa Taiwan president leh parliament inthlana Tsai Ing-wen leh a kaihhruai Democratic Progressive Party (DPP) te hneh taka thlan tlin an nih hnu khan China hian Taiwan ram vauna hi a tichhuak fo a ni.

President Xi chuan, “Taiwan independence neih tuma sualna chu kan thunun zel dawn a ni, kan ram aṭanga a inlakhran hi kan phal ngai lo ang” a ti. Hei hi China ram mipuite duhdan pawh a nih thu a sawi bawk.