Indonesia President-in Muslim te inpumkhat turin ngen

Indonesia President Joko Jokowi Widodo chuan Muslim ramte chu Israel leh Palestine ram inkar buaina chungchangah, lungrual taka Palestine tana ding turin a ngen.

Indonesia khawpui, Jakarta-a Muslim ram intelkhawm, Organisation of Islamic Cooperation (OIC) special summit neihah he thu hi President Widodo hian a sawi-chhuak a ni. He summit-ah hian UN Security Council-a permament member te leh Middle East quartet pawh an tel.

President chuan Israel-in a ram luah, Palestine rama hma a lak dan chu dan kalh leh thil dik lo a ni tih a sawi. "OIC hi buaina chingfel tu tur a ni a, Palestine buaina a chingfel thei lo a nih chuan, OIC hi awmze nei lo a ni" a ti.

Jakarta summit-ah hian Sudan President Omar al-Bashir pawh a tel a, ani hi an rama Dafur bial tualchhung buaina thleng vangin International Criminal Court chuan pawikhawihnaa inhnamhnawiha puha man a tum mek a ni.