Eiruknaah China a fihlim lo

China President Xi Jinping chuan tunlai hian eirukna do turin campaign a nei mek. Rorellai Communist Party chuan kum 2015 chhung khan an ramah eirukna avanga hrem mi 300,000 an awm tih an sawi.

Ei ruk vanga hrem mi 20,000 te chu hremna tenau, light punishment' an tih hmanga hrem an ni a, mi 80,000 te chu hremna na zawk pek an ni thung. Eirukna avang hian politician langsar tak tak te pawh thubuai awrh tir an ni nawk tawh bawk.

State media chuan nitin deuh thawin an ram official pawimawh, eirukna inhnamhnawiha puh leh thuneihna hmang dik loa puh chhui an nih thu a chhuah a ni. Kar kalta Inrinni-a ṭanga neih tan, annual parliamentary session-ah kum 2015 chhunga official, eiruk leh thuneihna hman dik lo vanga mante chu tlangzarh a ni bawk.