'Comfort women' buaina ching fel turin Japan phut

United Nations Committee on the Elimi-nation of Discriminatio against Women (CEDAW) chuan Indo-pui II hunlaia Japan sipaiten nawmchenna atana hmeichhia an man, comfort woment tia an vuahte chungchanga buaina chu chingfel turin Japan sorkar chu a phut.

UN report chuan, "Indopui II lai comfort women te chunga thil thleng hi dan palzutna dik tak a ni a, heng hmeichhia an man zing la damte chungah hian tun thlengin ghawng ṭha lo tak a la nei reng a ni" a ti.

Kum 2014-a report thehluhah Japan sorkar chuan indo laia an sipaite hmeichhia an mante hi tun thlengin zângnadawmna a la pe lo a, hei bakah hian an sipaite pawikhawih dan chungchanga mipuite zirtirna pe tura tih pawh a la tihhlawhtling lo.

Kum 1932 aṭang khan Japan sipaite hian Ko-rean Peninsula-ah nawmchenna atana hman turin hmeichhe sang tel an man a, an hmeichhe hmante hi Korea mite bakah, China, Philippines, Myanmar, Indonesia leh Netherlands ram mite an tel.