Nigeria defence hotu hlui dollar mtd 20 ru ah puh

Nigeria Air Chief Marshall hlui, Alex Badeh chu airforce sum dollar maktaduai 20 ruah puh a ni a, a pawisa ruk hmang hian in lian tak a lei nia sawi a ni.

Alex Badeh hi dik lo taka sum khawiha puhna thubuai 10 siamsak a ni a, mahse an puhna hi thu dik lo niin a sawi thung.

Kum hnih liamta khan Badeh hi defence hotu atana dah a ni a, he dinhmun a chelh lai hian air force sum chu an ram khawpui, Abuja-a in ropui tak leina atan leh, hmun dang leina atante a hmang nia sawi a ni. A in an dapnaah pawisa faiin dollar maktaduai khat chuang man a ni bawk.

Nigeria President hlui, Goodluck Jonathan-a hnuaiah khan an ram sipaite hi an thuam
ṭha lo hle nia sawi a ni a, hei vang hian sipaite discipline pawh a chhia a, sorkar thupek tam tak an zawm ṭha duh lo a ni. Sipaiten Boko Haram helpawl an beihletna atana ralthuam leina tur, dollar tluklehdingawn 2 chu chin hriat lohin a bo nia sawi a ni.

National security adviser hlui, Sambo Dasuki chu nikum De-cember thla kha dollar maktaduai 68 tihchingpen chungchangah thubuai siamsak a lo ni tawh a, hlawkna a hmuh theihna turin helcopter, fighter jet leh silai mu leina tur contract chu a duhsak zawngte a pe nia puh a ni.

February thla khan ralthuam leina tur sum tihchingpen chung changah army senior officer 12 chu anti-corruption agency kutah hlan an ni bawk.