North Korea hotuin nuclear ralthuam te chi an neih thu sawi

North Korea ram hotu, Kim Jong-un chuan an ram scientist-te chuan ballistic missile-a dah len theih nuclear ralthuam te chi an siam niin a sawi.

Kim Jong-un nuclear ralthuam te chi nia a sawi thla a lakpui hi state media chuan a tichhuak a, mahse mithiamte chuan thlalak aṭang ringawt chuan Kim thusawi hi finfiah theih a ni lo tih an sawi.

Nuclear test a neih vang leh satellite a kahchhuah avangin United Nations Security Council chuan NKorea hrekna tur hi a siam thar tawh a ni. Hrekna siam a nih hnu hian NKorea chuan kawng hrang hrangin chhan let dan tur a dap a ni. March 4 khan NKorea news agency KCNA chuan rocket system kahchhuahna hmuna Kim Jong-un kal lai hi a lo tichhuak tawh bawk a, an nuclear ralthuam neihte chu a ṭul huna hmang thei tura inpeih turin sipaite pawh a lo chah tawh bawk a ni.