Mississippi leh Michigan-ah Donald Trump a chak

US President thlanna neih tura party candidate tur zawnnaah, Michigan leh Mississippi state-ah Republican candidate zingah Donald Trump a chak. Democratic party inthlanah chuan Bernie Sanders chu Michigan-ah a chak a, Mississippi-ah Hillary Clinton a chak thung.

Primary election hi state pali-ah neih a ni a, March 15 hian Ohio, Florida, Illinois, Missouri leh North Carolina-ahte inthlan hi neih leh a ni ang.

Sumdawng lian, Donald Trump hian politics lama hnuhma leh tawnhriat la nei lo mah se, Republican president candidate chuhtu zingah hma a la hruai zel a, inthlan neih lehna tur Florida-a mipui ngaihdan lakah pawh hma a hruai a ni.

President thlanna neih tur atana candidate zawnna primary election leh causus neih tawhah Republican candidate zinga hma hruaitu Donald Trump hi Alabama, Arkansas, Georgia, Kentucky, Loui-siana, Massachusetts, Michigan, Mississippi, Nevada, New Hampshire, South Carolina, Tennessee, Vermont leh Virginia-ah te a chak tawh. Democrats lamah hmahruaitu, Hillary Clinton chu Alabama, Arkansas, Georgia, Iowa, Louisiana, Massachusetts, Mississippi, Nevada, South Carolina, Tennessee, Texas, Virgnia leh Ame-rican Samoa-ah te a chak tawh bawk a ni.