Slovenia-in Balkan route a khar

Slovenia chuan an rama dan loa raltlante khuahkhirh tuma hma alakna peng pakhat atan Greece aṭanga Europe khawthlang lam pan tumten an hman ber, Balkan route chu a khar.

Slovenia sorkar chuan an rama raltlan luh dilte zingah chhawmdawlna pek ngai ngeite chauh luh phalsak an ni dawn tih a sawi. Serbia pawhin document rintlak neite chauh luh phalsak an ni dawn tih sawiin, Macedonia leh Bulgaria nen an inri-na pawh a lo khar tawh a ni.

Europe ram hrang hrangte an rama raltlan lut pung zel chu an buaipui tawh hle a, EU member ram pariate chuan ramri-ah khuahkhirhna khauh zawk an siam tawh a, hei vang hian Greece ramah ratlan tam tak an tangkhang mek a ni. Nikum chhung dan loin Europe ram hrang hrangah raltlan leh pem lut mi maktaduai khat chuang an lut a, heng zinga a tam zawk hi Syria ram aṭanga tlanchhiate an ni a, Africa leh Asia aṭanga kal tam tak an awm bawk.

Raltlante hian Germany leh Europe hmarlam ramte panna kawng atan Slovenia hi an hmang ṭhin. Mahse Slovenia Prime Minister Miro Cerar chuan nimin aṭang khan Balkan route hi khar a nih thu a awi.