Brazil President hlui thubuai siamsak

Brazil President hlui, Luiz Inacio Lula da Silva chu Sao Paulo state prosecutor-te chuan dik lo taka sum la luta puhin thubuai an siamsak. State prosecutor-te chuan Lula chhungkua hian Guaruja khawpuiah a rukin apartment ropui tak an nei niin an ringhlel.

Kar kalta Zirtawpni khan inves­tigator-te chuan Lula hi hemi chung changah hian thu an zawt fiah a, mahse Lula chuan thil tih dik loh a neih loh thu leh, Guaruja-ah engineering group OAS-ten in ropui tak an sak nia sawi chu a dik lo tih a sawi bawk.

OAS group hi Brazil sorkar hnuaia oil company lian, Petrobas-a eirukna lian tak thlengah khan an hming pawh sawi lan tel a ni.