Putin-a'n Biden lawmpuina hlan ve ta

Russia president Vladimir Putin chuan Thawhlehni khan US President-elect Joe Biden chu inthlana a chak chungchangah lawmpuina a hlan ve ta. 

Kremlim chuan state-by-state Electoral College vote-ah Biden hi a chak tak avangin Putin hian lawmpuina hi a hlan ta tih a sawi. 

November 3-a US President thlanna neihah Biden-a a chak dawn tih hriat a nih hnuah ram hrang hrang hruaitute chuan lawmpuina an hlan nghal a, mahse Russia chuan official result hriat hma chuan lawmpuina hi a hlan ve rih dawn lo tih a lo sawi tawh a ni. 

Putin chuan US President-elect chu hlawhtlinna ṭha tak nei chho tura duhsakna hlanin, thawhdunna ṭha tak nei turin a inpeih tih a sawi. Russia leh US chuan ngaihdan inang lo tam tak nei mah se, khawvelin harsatna a tawh mekte chingfel tura an beih chhoh  a beisei thu Putin chuan a sawi bawk. 

Hetih lai hian Joe Biden hi President kalchhuak tur, Donald Trump aiin Russia lakah  hian a khauh zawk rin a ni thung. 

A campaign lai khan mahni thu anga roreltu tam tak an awm a ni tiin Russia hi a sawisel fo a, Vladimir Putin pawh hming hmerhin a sawilang a ni.