NKorea-in a embassy eng emaw zat khar

North Korea chuan Spain, Hong Kong leh Africa-a ram eng emaw zatah a embassy a khar tawh.

Mission a kharna chhan hi NKorea nuclear leh missile program kalpui vanga ram dangte'n hrekna an siam nghawng nia ngaih a ni. South Korea unification ministry chuan NKorea ram hrekna siam hian sum leh pai lamah pawh a nghawng nasa tawh a, ram danga an embassy-te enkawlna tur pawh an tan a harsa tawh niin a tarlang.

North Korea hian ram 159 te chu inzawmna ṭha tak a siampui a, diplomatic mission hi 53 neiin, heng zingah hian consulate leh representative office pathum a tel. Mahse sum lamah an harsat tak em avangin diplomatic mission ṭhenkhat hi a khar ta a ni. Kar liam ta khan inlaichinna ṭha tak a lo neihpui ṭhin, Angola leh Uganda-a an mission pawh an khar tel.