China Premier hlui Li Keqiang vui liam

China premier hlui, Li Keqiang chu nimin khan vui liam a ni ta. Ram hruaitu hlui sunna atan hian ram pumah hnam puanzar a ngul chanveah zar a ni.

Kum 68 mi, Li hi October 27 khan heart attack avangin a thi a ni. A ruang hi Shanghai aṭangin Beijing-ah lak a ni a, Babaoshan Revolutionary Cemetery-ah vui a ni. Vuina inkhawmah hian premier Li Qiang bakah rorel lai, Communist Party-a Politburo Standing Committee member-te an tel.

Kum 10 chhung zet China prmeier ni thei, Li hi economist ṭha tak niin, kum 28 mi lek a nih aṭangin politics a luhchilh a, China rama provincial governor ni thei naupang ber a ni zui a ni. A economic policy-te avanga hriat lar niin, mi hausa leh mi rethei inkar zau lutuk tihrehna turin a bei nasa. China rama gross domestic product sang chho zel chuan anmahni siam chhuah ngei a ni tia US official-te nen meeting an neih ṭumin a sawi a, hei vang hian ram pawn lamah China economic growth sawina atan Li Keqiang index tih ṭawngkam hman zui a ni.