Arab League hotu thar tur ruat

Egypt foreign minister hlui, Ahmed Abul-Gheit chu Arab League secretary-general thar atan ruat a ni.

Ningani-a Cairo-a emergency mee-ting neihah, Arab League council chuan an pawl hruaitu ni lai, kum 80 chuan Nabil Al-RAbauy chuan term hnihna chelh chhunzawm a tum tak loh vangin a aiwhtu atan Ahmed Abul-Gheit hi lungrual takin an thlang.

Arab League Pact Article 12 chuan secre-tary-general hi member ram hmun thuma ṭhena hmun hnihten an vote a ngai a ni. Syria ram chu tualchhung buaina a neih mek vangin member a nihna aṭangin suspend a ni a, hei vang hian League member hi 21 an ni mek a ni.

Abul-Gheit hi kum 2004-2011 thleng khan President Hosni Muba-rak-a hnuaiah Egypt foreign mininister a ni a, kum 2011 February thla khan Mubarak hi mipuiten nawrh huaihawt hmangin a thuneihna
aṭanga paihthlak a ni.