New Zealand-in ni 12 chhung lockdown puang leh

New Zealand ramah ni 102 hnuah ram chhungah Covid-19 kai hmuh thar leh an nih avangin, hri darh tur venna atan sorkar chaun hri kai hmuhna, Auckland-ah ni 12 chhung lockdown a puang zui nghal. 

Prime minister Jacinda Adern chuan mi maktaduai 1.5 chenna, Auckland chu ni 12 chhung level three lockdown hnuaiah dah a ni leh tih sawiin, mipuite chu ṭul bik thilah lo chuan pawn chhuak lo tura tih an ni. Museum, playground leh gym-te khar vek an ni bawk. New Zealand-ah hian hri kai mek hi mi 49 awmin, an zinga mi 29 chu tunhnaia hmuh tharte an ni. Hri kai zinga mi pahnih tih loh chu Auckland-a mi vek an ni. Hmun danga mi pahnihte pawh hi Auckland-a hri kai 

aṭanga an kaichhawn a ni.