Israel-in Iran hrem turin duh
Israel Prime Minister Benjamin Netanyahu chuan Iran chu ballistic missile a kahchhuah avangin hrem turin khawvel ram thiltitheite a ngen.
Iran Revolutionary Guard chuan kar hmasa lam khan missile hi ṭum eng emaw zat an enchhin nia sawi a ni. Hei hi ramdangte pawhin an ngaihven hle a, US, France leh khawthlang ramte chuan hei a dik ngei tih finiah a nih chuan, UN Security Council resolution palzutna a ni tih an sawi.
Netanyahu chuan khawthlang ram leh Iran-ten kumin January thlaa economy lama Iran hrekna hlih-na tur inremna an siam chu nasa takin a lo sawisel tawh a, hei hian US President Barack Obama nena an inkar boruak thlengin a nghawng a ni.
Kar kalta Inrinni khan Netan-yahu-a office chuan thuchhuah siamin, Foreign Ministry chu Iran nena nuclear deal siamtu, UN Security Council permament member panga leh Germany ramte chu Iran thiltih avang hian a ṭul anga hma la tura ngen turin a hriattir a ni.
Thuchhuah chuan, 'Heng ramte hian Iran-in dan a palzut avangin rang takin hma an la tur a ni" tiin, Iran inremna an siampui chu nuclear ralthuam a neih theihna tura, a tha tihchakna mai a ni tiin a puh.
US chuan UN Security Coun-cil consultation neih leh veleh Iran missile enchhin chungchang hi sawichhuah a tum tih US palai, Samantha Power chuan a sawi. US chuan missile enchhin khian ram paruk-ten nuclear program chungchanga Iran inremna an siam tawh chu a palzut lo tih a sawi. Mahse he nuclear agreement an siam hian UN-in Iran laka missile khuahkhirhna a siam erawh a huam tello a ni.
Council palaite chuan national intelligence agency-te hnen aṭangin Iran missile chu nuclear ralthuam phur thei a ni em tih an finfiah hun an nghak mek tih an sawi. Hemi rual hian Iran missile program khuahkhirhna siam dodaltu, Russia leh China chuan Iran laka action lak tum chu an dodal mai thei niin an sawi bawk.
Hetihlai hian Revolutionary Guards commander chuan an ballistic missile-te chu Israel kap pha tura duan an nih thu a sawi. Brigadier General Amir Ali Hajiza-deh chuan, "Kan missile-te km 2,000 chin kap pha thei tura kan duanna chhan chu kan hmelma, Zion ram chu hmun him chin
aṭanga kan beih thihna atana ti kan ni" a ti.