UN-ah Pakistan hek

Balochistan chuan United Nations Human Rights Council leh European Union-ah Pakistan hekin, US sorkarin Pakistan hnena fighter jet F-16 hralh a tum chu Balochistan mipuite beihna atana hman tumah a puh.

Balochistan palai Mehran Marri chuan, 'Pakistan sorkar leh sipaite hnenah silai leh a mu hralh a ni ṭhin hi kan dem a, tuna F-16 fighter jet leitir tum a ni leh chu kan duh lo a, hengte hi Balochistan mite lakah a hman tur a ni" a ti.

Pakistan sipaite hman tura ralthuam tam zawk leitir a ni chu thil lungchhiatthlak tak a ni tih sawiin, Mehran chuan, " Bin Laden-a hunlai khan, America leh European Union chuan Paksitan sipaite chu Bin Laden zawng a, an tihhlum theihna turin ralthuam tam takin an vur a ni. Mahse hetihlai zawng hian Bin Laden hi Pakistan-a Abbottabad-ah a awm reng a ni" tiin a sawi.

US chuan March 6 khan Pakistan hnenah F-16 fighter jet pariat a hralhna tur chu tifelin, hriattirna a tichhuak a ni. Fighter jet pariat a hralh tur hi US dollar maktaduai 700 man vel a ni.