Venezuela sorkar duh lohna lantir

Venezuela rama eptuten anram President Nicolas Maduro-a kaihhruai sorkar duh lohna lantirin an ram khawpui, Caracas leh khaw-pui dangah kawng an zawh.

Venezuela ram hian sum lamah harsatna a tawk nasa hle a, sorkar chu a mawhphurtua puhin eptute hian kawng an zawh a ni. Kawngzawhnaah hian mipuite an pungkhawm ṭha hle a, eptute chuan kawtthler aṭangin Maduro-a chu bang tura an nawr chhunzawm zel tur thu an sawi.

Inrinni-a kawngzawh hi Venezuela-a epute pawl ṭangrual, Democratic Unity Roundtable (MUD) huai-hawt a ni. Kawngzawhte hian an ram flag-te vaiin, an hmaiah an ram puanzar rawngin an hnawih rang bawk.

Mipui pungkhawmte chuan President Maduro a ban hma chuan nawrh an huaihawt zet dawn tih an sawi a, an ram inrelbawl dan chu thlak danglam a hun tawh tih an sawi.

Nikum December inthlanah khan eptu lam hian hnehna chang mah se, Supreme Court chuan sorkar lam hi thlawpin eptuten thuneihna an chan tur hi a dan sak a ni. Hei vang hian MUD chuan kawng hrang hrangin Maduro hi ban tir tumin an nawr a ni.