Nepal rama lirnghingah mi 157 an thi

Nepal rama Zirtawpnia lir nghing vanga thi chu mi 157 an tling tawh a, lirnghing tuarte chhanchhuah leh chhawmdawl hna thawh mek a ni.

Thuneitute chuan lirnghing hian Jajarkot district-ah chhiatna nasa tak thlenin, in za tel a chim niin an sawi. Lirnghingin chhiatna a thlena thi, mi 157 zinga mi 120 ruang chu an chhungte hnenah hlan an ni tawh. Hliam tuar hi mi 253 vel an awm bawk.

Prime minister Pushpa Kamal Dahal 'Prachanda' chuan lirnghing tuartute chhawmdawlna pek dan tur ngaihtuahin cabinet meeting a ko. Sorkar chuan chhiatna an tawh chungchangah ram dangte puihna dil chu an hmanhmawh lo niin a sawi. Hetih lai hian India leh China bakah US chuan chhanchhuah hna thawhna kawnga pui tura rescue team tirh an inpeih reng thu an sawi.