Myanmar-ah helpawl leh sipai inkap

Myanmar hmarchhak lam, Shan state-ah helpawl leh sipaite an inkah avangin himna zawngin civil mi tam tak an tlanchhia.

Shan hi Myanmar khawchhak lam ramri bula tlangram niin, province lian tak a ni. He province chhungah hian thuneihna sang zawk leh independence sualin helpawl eng emaw zat an awm a ni.

Pathiannia security force nena inkap hi Ta'ang National Liberation Army (TNLA) helpawl an ni a, tualchhung mite chuan ṭum li vel an inkap hman niin an sawi. Tualchhunga inbeihna thleng avanga tlanchhia, mi 8,000 vel chu refugee camp-ah an awm mek a ni. Myanmar sorkar hian helpawl eng emaw zat chu inkahhai puanna tur inremna thuthlung a ziahpui tawh a, mahse inremna a siampui zingah TNLA hi a tel ve lo a ni.

Hetihlai hian sorkar thar siamtu tur, National League of Democracy (NLD) hotu, Aung San Suu Kyi-i chuan thuneihna an chelh hunah Myanmar ramri-a boruak muanawm a awm theihna atana hmalakna chu an dah pawimawh tur thu a sawi.