Brazil President bang turin phut

Brazil President Dilma Rousseff chu bang tura phutin eptuten kawng an zawh.

Eptute hian an ram sum dinhmun chhiat chhanah President hi mawhphurtuah an puh a, hei bakah hian a kaihhruai sorkar chu eirukna kawng hrang hrangah inhnamhnawihah puhin bang turin an phut a ni.

Pathiannia Sao Paolo-a President duh lohna lantirnaah hian mipui an pungkhawm hnem hle a, city state security office chuan pungkhawm hi mi maktaduai 1.4 vel an tling niin a sawi.

Mipui pungkhawmte hian boruak ṭha tak hnuaiah lungawi lohna hi an lantir a, Sao Paolo bakah khawpu dangah pawh kawngzawh hi huaihawt a ni. Pungkhawmte chuan an rama eirukna hluar lutuk tihtawp an duh tih ziahna banner te an keng a ni.

President Rousseff chuan ban a tum loh thu a sawi a, eptute nawrh huaihawt chuan an ram economy tan harsatna a thlen zawk niin a sawi. Mahse eptute chuan mipui tam takin bang tura an nawrna hmang hian paithlak theih an inbeisei tih an sawi.