EU-in Turkey inremna siampui dan ngaihtuah

European Union ram hruaitute chu nimin khan Brussels-ah inhmukhawmin, raltlan avanga harsatna thleng mek tihziaawm a nih theihna tura Turkey inremna siampui dan an ngaihtuah.

EU-in rawtna a siamah chuan Turkey aṭanga Greece rama Syrian raltlan lutte chu Turkey ramah thawn kir leh vek an ni ang a, mahse Turkey aṭang hian EU ram hrang hrangah thawn darh an ni dawn a ni.

Syria raltlante hian Turkey kaltlangin Greece hi an pan a, Greece
aṭang hian lawng hmangin Europe ram hrang hrang an pan leh ṭhin. Nikum chhung khan raltlan maktaduai khat chuang zet chu EU ramah hian an lut a ni. Kumin chhung bikin Greece-ah hian tuipui
aṭangin raltlan 132,000 an lut tawh bawk.

Kar hmasa khan EU hian raltlan chungchang ngaihtuah hian meeting a lo nei tawh a, hetah hian Turkey inremna siampui dan tur hi an duang a ni. Nikum khan EU hian Turkey rama raltlan lut an pun zel avangin sum lama chak zawka puih an lo rel tawh bawk a ni.