US election : Trump duh lohna lantirin kawngzawh huaihawt

US President thlanna neih tura Republican party candidate chuhtu zinga hma hruai mek, Donald Trump duh lohna leh lungawi lohna lantirin New York leh Arizona-ah kawngzawh huaihawt a ni.

Kar kalta Inrinni-a kawngzawhah hian tel an ṭhahnem hle a, Trump chu chi inthliarna thlawptu niin an puh. New YOrk-a Fifth Ave-nue-a kawngzawh zinga pakhat chu man a ni a, Arizona-a pungkhawmte chuan kawngpui an dang bawk. Arizona primary election hi neih a ni dawn hnai a, Inrinni khan Trump hian campaig a nei a ni.

New York-a kawngzawh hi Cosmopolitan Antifascist huaihawt a ni a, kawngzawhnaah hian zirlai, khawtlang siamṭhat hna thawktute leh pemlut-te dikna chanvo humhalh sak tura beitu mi eng emaw zat an tel.

Donald Trump hian a campaign-naa a ṭawng-kam dengkhawng tak tak avangin sawisel a tawk nasa tawh hle. US-a Muslim luh turte dan vek a rawt a, Mexico ramri aṭanga an rama luh tumte danna atan indaidanna bang siam a rawt bawk.