UN hotuin terror list aṭanga Sudan paih duh

United Nations Sec­retary-General Antonio Guterres chuan sum leh paia firfiak pawl pui ṭhin avanga US-in terrorist sponsor ram list-a Sudan ram a telh chu paih tawh se a duh tawh thu a sawi.

Nikum September thla khan New York-a press conference a neih­naah, Guterres chuan Sudan ram hi terror list aṭanga paih a duh thu a lo sawi lang tawh a, paihchhuah a duh chhan hi Sudan president hlui Omar al-Bashir paih thlak a nih tawh vang tih a sawi. Nikuma Sudan prime minister thar atana thlan, Abdalla Hamdok chuan PM a nih hnu khan US-in terrorist sponsor ram a tarchhuah zing aṭanga paih an nih theihna turin US official-te a biak thu leh Sudan chuan bung thar a kai tawh thu a sawi. 

Sudan-ah hian Sudanese Professionals Association (SPA) kaih­hruaina hnuaiah kum 2018 December thla aṭang khan fuel leh ei tur man san avangin nawrh huaihawt ṭan a ni a, khatih hun laia ram hruaitu president Omar al-Bashir duh lohna lantir tel a ni bawk. Nikum April 11 khan sipai chakna hmangin Transitional Military Council (TMC)-te chuan President hi an paihthla a ni. 

Sudan hi US-in terro­rist sponsor ram a siam aṭanga paih a nih chuan Sudan tan hian ram danga investment an tihna tur kawng a inhawng dawn a, International Monetary Fund aṭanga ṭanpuina leh World Bank bailout package-te pawh an dawng thei tawh dawn a ni. 

US hian 1993 khan Sudan hi terrorist spon­sor-tu ramah a puang a ni.