Tyson Foods-in an ei siam kg 13,608 la kir leh

America-a meat processor, Tyson Foods chuan chicken nuggets an siamah thir them hmuh a nih avangin zawrh tura an pek chhuah tawh, kg 13,608 an la kir leh vek.

Nugget hi hmun pakhata an siam niin, US-a state pakuaa distributor-te hnenah an pe chhuak a ni. Mahse US Food Safety and Inspection Service (FSIS) chuan an thil siam eitu zinga pakhatin, thir them a tel avanga a ka a nat phah thu report an dawng tih an sawi. Hemi hnu hian Tyson Foods chuan fimkhur thilah October 4 aṭanga dinosaur pianhmanga an siam, 'Fun Nuggets' an pek chhuahte chu a la kir leh vek a ni.

US-a meat producer lian, Tyson Foods hian nikum November thla khan an bawng sa siamah darthlalang them ni awm tak hmuh a nih avangin, an pek chhuah tawhho chu an la kir vek tawh bawk.