Security law-in Hong Kong zalenna nghawng dawn lo : Carrie Lam

China-in Hong Kong-a security law thar hman a tum chuan Hong Kong zalenna neihte a nghawng phah dawn lo tih Chief Executive Carrie Lam chuan nimin khan a sawi. 

Security law thar siam tum hi Hong Kong-a chengte chuan duh loin, an zalenna neihte rahbeh sakna tur nia sawiin lungawi lohna pawh an lo lantir tawh a ni. Lungawi lohna lantir mipuite chu police-ten tear gas leh water cannon hmangin an  hnawt darh a, an zinga 200 vel an man tawh bawk. 

Mahse Hong Kong hotu, Carrie Lam chuan he dan thar avanga an zalennate lakbo sak ni dawna mipuite an ngai chu thil awmze nei lo niin a sawi a, "Hong Kong zalenna chu vawnnun a la ni zel dawn a, he dan thar siamtur hi mi tlemte, dan bawhchhetute bitumna tur chauh a ni. He dan hmang hian muanna duhtute mipuite chu venhim an ni zawk ang," a ti. Security law thar siam tur dodaltute chuan he dan nihna chiang tak hi an hriatchian phawt a ngai a ni, tiin a sawi. 

Dan thar siam tur hian China mainland police-ten Hong Kong-a nawrh huaihawtte an man thei dawn nia sawi chu thu dik lo a nih thu Lam chuan a sawi. Hong Kong-in zalenna a neih, freedom of speech leh freedom of expression a neihte chu  khawih danglamsak a ni dawn lo tih a sawi bawk.