Russia sipai helicopter tlaah mi pali an thi

Russia sipai helicopter chu nimin khan an ram khawchhak lam, Chukotka bialah a tla a, helicopter-a chuang mi pali an thi. 

Defence ministry chuan Mi-8 helicopter hi a khawl lam fel lo vanga chesual nia a lan thu a sawi a, helicopter-ah hian crew member pathum leh technician pakhat an chuang tawh tih a sawi bawk. 

Mi-8 helicopter hi kar khat chhunga pahnih a chetsualna a ni a, May 19 khan Moscow aṭanga km 90-a hla, Klin khaw bulah pakhat a lo tla tawh bawk a, crew member pathum an thi a ni. 

Official-te chuan hei pawh hi a khawl lam fel lo vanga chesual niin an sawi.