Gaza-in rocket hmangin Israel kap

Pathianni zanlai khan Israel chhim lam chu Gaza Strip aṭangin rocket hmanga kah a nih thu Israel sipaite thuchhuah chuan a tarlang. 

Israel sipaite hian Gaza aṭangin rocket projectile pakhat an ram chhim lama kah luh a nih thu an tarlang a, Sderot khuaah inralrinna dar tihrik a ni tih an sawi bawk. Rocket hmanga kah vang hian thi leh hliam erawh an awm lo a ni. 

Ni 10 kal ta chhung khan Israel lama rocket kah luh a awm fo a, hei hi US president Donald Trump-a'n a puanzar tak, US Middle East peace plan vang nia ngaih a ni.  

He peace plan hi Palestine lamin an duh loh vanga buaina neuh neuh a chhuak chho mek bawk.

Kar liam ta khan Israel tank-in Gaza Strip hmarchhak lama awm Hamas post pahnih a lo bei ve tawh bawk a ni. Hemi chhan let nan hian Gaza lam hian Israel-ah rocket hi an kap lut ve niin tualchhung thuthar thehdartute chuan an tarlang.